الرئيسية
مهم جدا
| كتير بنسمع عن " الحمام المغربي بس بنسمع عنه و يمر علينا مرور الكرام !! ,, ويمكن مش بنتخيل إننا ممكن في يوم نعمله إلا في وقت العوزة بقى ! " أقصد لما ليلة العمر تقرب يعني " ,, وكمان بنبقى راسمين إننا هنعمله في كوافير أو مركز تجميل !! بس أختكم الحمد لله وصلت لوصفة سهلة _ تتعمل في البيت _ ومكوناتها بسيطة ومتاحة إن شاء الله ,, وبالتفصيل .. وأحسن حاجة إنها تعتبر حاجة عامة شاملة للعناية بكل الجسم " بشرة , شعر ... " بس أهم حاجة لما تفكري تشتري المكونات يا بنوتة تروحي عند عطار مشهور وكبير ,, علشان جربت أشتري الحاجات دي من العطارين اللي عندي ومالقيتهاش !!!! واللي هتجرب الطريقة دي في الأول بقى تقولنا إيه النتيجة ؟ نيجي للمفيد بقى ,, والعهدة على اللي كاتبة الموضوع في الأساس ... ______________________________ الوصفة [ندعوك للتسجيل في المنتدى أو التعريف بنفسك لمعاينة هذه الصورة] يعتبرالحمام المغربى من أجمل طرق تنظيف الجسم والتخلص من الخلايا الميتة المتراكمة عليه ,,واستخدامه باستمرار يفتح البشرة ويشد الجلد ويحمره ويوحد لون البشرة بصورة رهيبة ,, وأهل المغرب بيداوموا على الحمام ده كل أسبوع ! ولكن عندنا فى مصر بيتعمل فى مراكز التجميل وأغلب اللى بيعملوه العرايس علشان أسعاره بتكون غالية ,,والنهاردة هنعرف طريقة الحمام المغربى بأسهل الطرق وأسهل المواد المستخدمة ,,وهنستخدم اكتر من بديل للمنتجات المستخدمة اللى بتجيب نفس النتيجة ويمكن أحسن كمان ,,وبلاش نجرى ورا اعلانات مراكز التجميل اللى هدفها الربح فقط يعنى لما يقولوا مينفعش تستخدمى غير الصابونة المغربية السودة اللى تمنها فوق 100 جنية يبقى ازاى يعنى اى حاجة تانى متنفعش ... هو ده كلام المراكز التجميلية اللى مش عايزة غير الربح المادى !بس المهم هنعمل اكتر من طريقة والله لافرق حتى اسألوا مجرب ونشوف المكونات اللى عايزينها للحمام المغربى ______________________________ [ندعوك للتسجيل في المنتدى أو التعريف بنفسك لمعاينة هذه الصورة] المكونات 1 - ليفة مغربى بتتباع فى الصيدليات على شكل جوانتى بـ 21 جنيه وفى نوع بـ 33 جنيه_مفيش فرق بينهم _ وكمان فيه ليفة مغربي بتاع شركة أصالة بـ 15 جنيه .. والناس اللى مش عايزة تشتري الليفة دي ,, فيه طريقة رخيصة ونفس النتيجة وممكن تكون احسن كمان.. العطار اللى هتشترى منه المكونات قولي له عايزة قطعة خيش من اللى بيحطوا فيه العطارة عارفينه ؟ الخيش البنى ..المهم تجيبيها وتخيطيها على شكل مربع مزدوج علشان تدخلى ايديكى جواه 2 - الصابون المغربى السايل بيتباع عند بعض العطارين المشهورين زى حراز هو اسمه كدة : صابون مغربى سايل او الصابون المغربي بتاع شركة أصالة حبايبى ملقيتوش مش مشكلة كل مراكز التجميل معندهاش وشوفوا بيستخدموا ايه ؟! هاتى صابونة لوز او صابونة زيت زيتون او صابونة بابايا او صابونة كركم كلهم عند العطارين المشهورين وسعرهم مابيعديش 10 جنيه وفيه بـ 5 جنيه المهم ابشروها فى المبشرة اليدوية ,, عارفينها ؟ مبشرة البصل بتاعة زمان ,, المهم .. بعد البشر هاتى الصابون وحطيه فى حلة و حطي عليه نص كوب ماء ورد وسيبيه طول الليل .. في الصبح بقى حطيه على النار شوية وقلبى لغاية الصابون ماتلاقية زى الكريم بالضبط ,, هتشتري حنة ورق برضه من عند اى عطار مشهور واطحنيها لغاية ماتبقى زى البودرة فى مطحنة الخلاط ,, لو ملقتيش مطحون قولى للعطار عايزة نوع حنة سايب يكون صافى وماتخافيش العطارين لما بيلقوكى فاهمة بيدوكى طلبك من غير غش ,, بس الاول اطلبى الحنة الورق الناشفة موجودة عند العطارين الكبار زى حراز والشمس فى الحسين .. [ندعوك للتسجيل في المنتدى أو التعريف بنفسك لمعاينة هذه الصورة] 3 - عصير اربع لمونات 4- اى حمام كريم لشعرك او حمام زيت طبيعى بس انا بفضل زيت زيتون وزيت خروع وتدفيهم على النار علشان الشعر يشربهم وكمان 5 - بونيه محكم للشعر 6 - اى مرطب للجسم زي الجلسرين الشفاف او زيت اللوز المر ولو هتستعملي الجلسرين حطي عليه لمونة _طبعا انا بقولكم الحاجات اللى فى متناول ايدينا وبتجيب نفس النتيجة واحسن _.. وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم ! 7 - أي ماسك للوجه بترتاحي له 8 - حجر للقدم بيتباع عند العطارين او فيه طبى فى الصيدليات ,, اللى يريحكم يا بنات استخدموه ______________________________ طريقة الحمام المغربى بالتفصيل [ندعوك للتسجيل في المنتدى أو التعريف بنفسك لمعاينة هذه الصورة] 1 - افتحى الدوش فى الحمام على الماء الساخن جدا واقفلى الابواب والشبابيك علشان البخار مايخرجش برة وادخلى الحمام واستني حتى يملأه البخار .. 2 - في فترة الانتظار دي اعملى حمام الزيت او الكريم لشعرك والبسى البونيه ,, وخدى بالك ماتخليش زيت حمام الشعر ينزل على جسمك ,, 3 - انتظرى 10 دقايق فى البخار علشان المسام تفتح ,, واملى البانيو بالماء الساخن وانزلى فية ربع ساعة .. لو معندكيش بانيو افتحى الدوش ربع ساعة على جسمك بعدين اطلعى من البانيو او من تحت الدوش .. وهاتى الصابون اللى عملناه السايل وحطى علية عصير الليمون والحنة البودرة اللى طحناها واخلطيهم كويس ,, 4 - ادهنى جسمك كلة كويس بالصابون واقعدى نص ساعة .. فى الفترة دى " النص ساعة " 5 - اعملى ماسك للوجه 6 - بعد النص ساعة ادعكى الصابون من جسمك بايديكى مش بالليفة بحركة دائرية فى اتجاه القلب_ يعنى لاعلى_ " ادعكى جسمك دائريا لاعلى " 7 - وبعدين انزلى تحت الدوش الساخن واغسلى الصابون 8 - وبعدين بالليفة المغربى ابدئى فرك الجسم جزء جزء بحركة دائرية بالضغط على البشرة ولكن بلطف برضة لاعلى فى اتجاة القلب ; لتنشيط حركة الدم وتدفقه ولزيادة سرعة الاكسجين فى الجسم , 9 - وبعدين ادخلى تانى تحت الماء الساخن واغسلى جسمك مرة تانى _ علشان تزيلي الجلد الميت اللي طلع من الليفة _ ونشفيه كويس 10- وبعدين ادهنى جسمك كلة بالجلسرين السايل المضاف له لمون او بزيت اللوز المر وانتظرى ربع ساعة 11 - واثناء الانتظار قومى بدعك القدم والاصابع بالحجر جيدا ,, الجلسرين هيساعدك كتير ] - وبعدين ادخلى تحت الدوش واغسلى شعرك وجسمك وسيبى الشامبو ينزل على الجسم من غير استخدام الليفة ,, وبايديكى نزلى الجلسرين الزائد على الجسم ,, وبعدين نشفى جسمك وشعرك وشوفى النتيجة ,, لو استمريتى كل 15 يوم على الحمام دة هتشوفى فرق كبييييييييييييييير جدا فى البشرة وتوحيد لون الجسم واختفاء البقع . انا بقول ان احنا نعمل كل حاجة فى البيت ,, لان حرام ان احنا نروح مراكز التجميل وواحدة تعملهولنا ,, لان رؤية المرأة للمراة حرام " من السرة للركبة زي ما كلنا عارفين " !! وكل حمام مغربي وانتو منتعشين [ندعوك للتسجيل في المنتدى أو التعريف بنفسك لمعاينة هذه الصورة] ,,, منقول للافاده -------------------- | |||
حمام مغربى بس جنان
رحيل- عضو جديد
- العنوان : بشلا
تاريخ التسجيل : 12/05/2010
العمل/الترفيه : محاسب
الهواية : التجربه
